Introduction:

সঘনাই মূৰৰ বিষ হোৱাটো ব্ৰেইন টিউমাৰৰ লক্ষণ নেকি? ব্ৰেইন টিউমাৰৰ বিষয়ে বিতংকৈ জানো আঁহক..

আমাৰ মাজৰ গৰিষ্ঠ সংখ্যক লোকৰেই কম বেছি পৰিমানে মূৰৰ বিষত ভোগাৰ অভিজ্ঞতা আছে। আমনিদায়ক এনে সমস্যাৰ পৰা পৰিত্ৰাণ পাবলৈ প্ৰায়ে বহুতে বিষনাশক ঔষধ সেৱন কৰা দেখা যায়। এটা সময়ত এনে অভ্যাসে জীৱনলৈ বহু বিপদ মাতি অনাৰ সম্ভাৱনা থাকে। ধাৰাবাহিক বা পুনৰাবৃত্তিমূলক মূৰৰ বিষৰ কাৰণ মগজুৰ কোনো গুৰুতৰ ৰোগও হ’ব পাৰে।

সাধাৰণ ভাষাত মূৰৰ বিষ মানে হল মূৰৰ যিকোনো ফালে( কপাল, পিছফাল, সোঁ বা বাওঁ দুয়ো কাষে বা ওপৰৰ মাজ অংশত),চকু, ডিঙিৰ পিছ অংশ আদিত কম বা বেছি পৰিমানে অনুভৱ হোৱা বিষ। মূৰৰ বিষ এটা এনেকুৱা লক্ষণ যিয়ে শৰীৰত হব পৰা বিভিন্ন ৰোগৰ বিষয়ে সচেতন হবলৈ সংকেত দিয়ে। কিন্ত্ত সচেতনতাৰ অভাৱৰ বাবে বহুতে নাজানে যে মগজুৰ ভিতৰত টিউমাৰৰ দৰে ৰোগ গঢ় লৈ উঠিলেও মুৰৰ বিষ হব পাৰে৷ যদিও ব্ৰেইন টিউমাৰৰ লক্ষণ বহুধৰনৰ আছে কিন্ত্ত মূৰৰ বিষ ইযাৰ ভিতৰত অন্যতম লক্ষণ বুলি বিবেচনা কৰা হয়৷

যদি মগজুৰ টিউমাৰৰ লক্ষণসমূহ সময়মতে বুজি পোৱা নাযায় তেন্তে ই বিপদজনক বুলি প্ৰমাণিত হ’ব পাৰে। বহুতে ব্ৰেইন টিউমাৰৰ লক্ষণবোৰক স্বাভাৱিক বুলি গণ্য কৰাৰ  ফলত  পৰিস্থিতি আৰু বেছি বেয়া হৈ পৰে। সেয়েহে ব্ৰেইন টিউমাৰৰ বিষয়ে আগতীয়াকৈ সাৱধানতা অৱলম্বন কৰিলে টিউমাৰ বাঢ়ি অহাৰ লগে লগে হ’ব পৰা জটিলতা ৰোধ কৰিব পৰা যায়। ইয়াৰ উপৰিও মগজুৰ আন কলালৈ মাৰাত্মক টিউমাৰ বিয়পি পৰাত বাধা দিব পৰা যায়৷

ব্ৰেইন টিউমাৰ কি?

যেতিয়া মগজুৰ ভিতৰত অস্বাভাৱিক কোষ বৃদ্ধি পায় তেতিয়া এই অৱস্থাটোক ব্ৰেইন টিউমাৰ বোলা হয়।

মগজুৰ কোষৰ বৃদ্ধি হিচাপে আৰম্ভ হোৱা মগজুৰ টিউমাৰক প্ৰাথমিক মগজুৰ টিউমাৰ (primary brain tumor) বোলা হয়। কেতিয়াবা শৰীৰৰ আন অংশৰ পৰা মগজুলৈ কেন্সাৰ বিয়পে। এই টিউমাৰবোৰক চেকেণ্ডৰী মগজুৰ টিউমাৰ (secondary brain tumors) বোলা হয়, ইয়াক মেটাষ্টেটিক ব্ৰেইন টিউমাৰ (metastatic brain tumors) বুলিও কোৱা হয়।

প্ৰাথমিক মগজুৰ টিউমাৰ বিভিন্ন ধৰণৰ থাকে। উল্লেখনীয় যে তাৰেভিতৰত কিছুমান মগজুৰ টিউমাৰ কেন্সাৰ নহয়। এইবোৰক noncancerous brain tumors নতুবা  benign brain tumors বুলিও কোৱা হয়। কেন্সাৰবিহীন মগজুৰ টিউমাৰ সময়ৰ লগে লগে বাঢ়ি মগজুৰ কলাত হেঁচা মাৰি ধৰিব পাৰে। আন এক মগজুৰ টিউমাৰ হ’ল মগজুৰ কেন্সাৰ (brain cancer), যাক মাৰাত্মক মগজুৰ টিউমাৰ বা malignant brain tumors

বুলিও কোৱা হয়। মগজুৰ কৰ্কট ৰোগ দ্ৰুতগতিত বৃদ্ধি পাব পাৰে আৰু কেন্সাৰ কোষবোৰে মগজুৰ কলাবোৰ আক্ৰমণ কৰি ধ্বংস কৰি দিব পাৰে।

বিভিন্ন প্ৰকাৰৰ Brain Tumor ভিতৰত আছে:

▪️Gliomas হৈছে glial কোষৰ পৰা গঢ় লৈ উঠা টিউমাৰ। এই গ্লিয়াল (Glial) কোষবোৰে সাধাৰনতে কেন্দ্ৰীয় আৰু পেৰিফেৰেল স্নায়ুতন্ত্ৰৰ নিউৰনসমূহক সমৰ্থন, সংযোগ আৰু সুৰক্ষা প্ৰদান কৰাত সহায় কৰে। গ্লিয়াল কোষে কেন্দ্ৰীয় স্নায়ুতন্ত্ৰৰ স্নায়ুসংবহন নিয়ন্ত্ৰণ কৰে, ইয়াৰ উপৰিও ইহঁতে মৃত নিউৰন পৰিষ্কাৰ কৰে, স্নায়ুৰ ইমপালছ সমন্বয় কৰে আৰু মগজুৰ বিপাকীয় ক্ৰিয়া নিয়ন্ত্ৰণ কৰে। বিভিন্ন ধৰণৰ গ্লিয়াল কোষৰ পৰা গ্লিঅ’মা বিকশিত হ’ব পাৰে।

গ্লিয়াল কোষত আৰম্ভ হোৱা টিউমাৰৰ প্ৰকাৰসমূহৰ ভিতৰত আছে:

• এষ্ট্ৰ’চাইটিক টিউমাৰ, যেনে এষ্ট্ৰ’চাইট’মা (astrocytomas), যিবোৰ মস্তিষ্কৰ পৰা উৎপত্তি হয়৷
• অলিগোডেণ্ড্ৰগ্লিয়াল টিউমাৰ (oligodendroglial), যিবোৰ প্ৰায়ে ফ্ৰন্টাল টেম্প’ৰেল লোবত (frontal temporal lobes) পোৱা যায়৷
• গ্লিঅ’ব্লাষ্টোমা (glioblastomas), যিবোৰ মগজুৰ সহায়ক কলাত উৎপত্তি হয় আৰু ই আটাইতকৈ আক্ৰমণাত্মক ধৰণৰ হয়৷

▪️ Choroid plexus tumors হৈছে প্ৰাথমিক কেন্দ্ৰীয় স্নায়ুতন্ত্ৰ (CNS) টিউমাৰ। অৰ্থাৎ মগজু বা মেৰুদণ্ডৰ পৰা আৰম্ভ হয়। সাধাৰণতে মগজুৰ ventricles ত এই টিউমাৰ দেখা দিয়ে। Choroid plexus tumors ৰ সীমা অনিয়মিত আৰু দেখাত “ফুলকবিৰ দৰে” দেখা যায়। সাধাৰণতে কনট্ৰাষ্টৰ লগে লগে টিউমাৰবোৰ বৃদ্ধি পায় আৰু কেতিয়াবা কেন্দ্ৰীয় স্নায়ুতন্ত্ৰৰ বেলেগ স্হানতো বহুতো টিউমাৰ দেখা যায়।

▪️ ভ্ৰূণৰ বিকাশৰ প্ৰাৰম্ভিক পৰ্যায়ৰ পৰা বাকী থকা কোষৰ পৰা Embryonal tumors বিকাশ ঘটে। এই কোষবোৰক embryonal কোষ বুলি কোৱা হয়। সাধাৰণতে এই কোষবোৰ নিৰাপদ। কিন্তু কেতিয়াবা কেন্সাৰ ৰোগ হ’ব পাৰে। এই টিউমাৰ হৈছে কেঁচুৱা আৰু সৰু শিশুৰ ক্ষেত্ৰত বেছিকৈ হোৱা মাৰাত্মক মগজুৰ টিউমাৰ৷

▪️ Germ cell tumors  আৰম্ভ হয় প্ৰজনন কোষৰ পৰা, যাক germ cell বুলি কোৱা হয় ৷ Germ cell বেছিভাগেই ডিম্বাশয় আৰু অণ্ডকোষত থাকে। কিন্তু কেতিয়াবা মগজুকে ধৰি শৰীৰৰ আন অংশত থাকে। যেতিয়া মগজুত Germ cell টিউমাৰ হয়, তেতিয়া ই প্ৰায়ে পাইনেল গ্ৰন্থি বা পিটুইটাৰী গ্ৰন্থিৰ ওচৰত থাকে।

▪️ Pineal tumor হৈছে পাইনেল(pineal) গ্ৰন্থিত গঠন হোৱা টিউমাৰ। Pineal  হৈছে মূৰৰ মাজত থকা এটা সৰু গ্ৰন্থি। ই মেলাটনিন নামৰ হৰম’ন  তৈয়াৰ কৰে যিয়ে টোপনি-জাগৰণৰ চক্ৰত প্ৰভাৱ পেলায়। পাইনেল টিউমাৰ অতি বিৰল টিউমাৰ।

▪️ মেনিনজিঅ’মা (Meningioma)  হৈছে প্ৰাথমিক কেন্দ্ৰীয় স্নায়ুতন্ত্ৰ (CNS) টিউমাৰ। অৰ্থাৎ ই মগজু বা মেৰুদণ্ডৰ পৰা আৰম্ভ হয়। সামগ্ৰিকভাৱে মেনিনজিঅ’মা হৈছে প্ৰাথমিক মগজুৰ টিউমাৰৰ আটাইতকৈ সাধাৰণ প্ৰকাৰ। কিন্তু উচ্চ গ্ৰেডৰ মেনিনজিঅ’মা অতি বিৰল।

▪️ একাউষ্টিক নিউৰ’মা (Acoustic neuroma), যাক vestibular schwannomas বুলিও কোৱা হয়, ই সাধাৰণতে লেহেমীয়াকৈ বৃদ্ধি পোৱা টিউমাৰ৷ এই টিউমাৰে শ্ৰৱণ আৰু ভাৰসাম্যতাক প্ৰভাৱিত কৰিব পাৰে৷ এই টিউমাৰটো ভিতৰৰ কাণক মগজুৰ সৈতে সংযোগ কৰা মূল স্নায়ুত অৱস্থিত।

▪️ পিটুইটাৰী গ্ৰন্থিৰ টিউমাৰ হৈছে পিটুইটাৰী গ্ৰন্থিত নিয়ন্ত্ৰণৰ বাহিৰত বৃদ্ধি হোৱা অস্বাভাৱিক কোষৰ এটা গোট। এই টিউমাৰবোৰৰ বেছিভাগেই কেন্সাৰ নহয়। পিটুইটাৰী কেন্সাৰ অতি বিৰল।

মগজুৰ ভিতৰত আৰু আশে-পাশে আন বহু ধৰণৰ বিৰল টিউমাৰ হ’ব পাৰে। মগজুৰ চাৰিওফালে থকা পেশী, ৰক্তবাহী নলী আৰু সংযোগী কলাত টিউমাৰ আৰম্ভ হ’ব পাৰে। মূৰৰ খুলাৰ হাড়ত টিউমাৰ গঠন হ’ব পাৰে। মগজুৰ বীজাণুৰ বিৰুদ্ধে যুঁজ দিয়া ৰোগ প্ৰতিৰোধ ক্ষমতাৰ কোষৰ পৰাই মাৰাত্মক মগজুৰ টিউমাৰ আৰম্ভ হ’ব পাৰে। এই ধৰণৰ মগজুৰ কৰ্কট ৰোগক প্ৰাথমিক কেন্দ্ৰীয় স্নায়ুতন্ত্ৰ লিম্ফোমা (lymphoma) বোলা হয়।

মগজুৰ টিউমাৰৰ লক্ষণ আৰু সংকেতসমূহ – Symptoms

মগজুৰ টিউমাৰৰ লক্ষণ আৰু সংকেতসমূহ মগজুৰ টিউমাৰৰ আকাৰ আৰু স্থানৰ ওপৰত নিৰ্ভৰ কৰে। মগজুৰ টিউমাৰ কিমান দ্ৰুতগতিত বৃদ্ধি পাইছে তাৰ ওপৰতো লক্ষণসমূহ নিৰ্ভৰ কৰিব পাৰে, যাক টিউমাৰ গ্ৰেড বুলিও কোৱা হয়।

মগজুৰ টিউমাৰৰ ফলত হোৱা সাধাৰণ  লক্ষণসমূহ তলত দিয়া হল:

• মূৰৰ বিষ বা মূৰত চাপ হয় যি ৰাতিপুৱা বেছি বেয়া হব পাৰে৷
• অত্যাধিক আৰু অধিক গুৰুতৰ যেন লগা মূৰৰ বিষ।
• মূৰৰ বিষ – যিবোৰক কেতিয়াবা টেনচন মূৰৰ বিষ বা মাইগ্ৰেইন বুলিও কোৱা হয়।
• বমি ভাব বা বমি হোৱা।
• চকুৰ সমস্যা, যেনে দৃষ্টিশক্তি ম্লান হোৱা বা দৃষ্টিশক্তি হেৰুৱাই পেলোৱা।
• হাত বা ভৰিৰ অনুভৱ বা গতি হেৰুৱাই পেলোৱা।
• ভাৰসাম্যৰ ক্ষেত্ৰত সমস্যা।
• বাক সমস্যা।
• অত্যন্ত ভাগৰুৱা অনুভৱ।
• দৈনন্দিন কাৰ্যকলাপত বিভ্ৰান্তি।
• স্মৃতিশক্তিৰ সমস্যা।
• ব্যক্তিত্ব বা আচৰণ সলনি হয়।
• চিজাৰ হোৱা বিশেষকৈ আগতে চিজাৰ ইতিহাস নাথাকিলেও চিজাৰ হব পাৰে৷
• শ্ৰৱণ ক্ষমতাৰ সমস্যা।
• মূৰ ঘূৰোৱা।
• অতি ভোক অনুভৱ কৰা আৰু ওজন বৃদ্ধি হোৱা।

মগজুৰ টিউমাৰৰ ফলত হোৱা মূৰৰ বিষ

মগজুৰ টিউমাৰৰ আটাইতকৈ সাধাৰণ লক্ষণ হ’ল মূৰৰ বিষ। ব্ৰেইন টিউমাৰ থকা প্ৰায় আধা সংখ্যক লোকৰ মূৰৰ বিষ হয়। মগজুৰ টিউমাৰ বাঢ়ি আহিলে ইয়াৰ চাৰিওফালে থকা সুস্থ কোষবোৰত হেঁচা মাৰি ধৰিলে মূৰৰ বিষ হ’ব পাৰে নতুবা মগজুৰ টিউমাৰৰ ফলত মগজটো ফুলি উঠিব পাৰে যাৰ ফলত মূৰত চাপ বৃদ্ধি পায় আৰু মূৰৰ বিষ হ’ব পাৰে।

মগজুৰ টিউমাৰৰ ফলত হোৱা মূৰৰ বিষ প্ৰায়ে ৰাতিপুৱা সাৰ পালে বেছি বেয়া হয়। কিন্তু ই যিকোনো সময়তে হ’ব পাৰে। কিছুমান মানুহৰ মূৰৰ বিষৰ ফলত টোপনি অহাত সমস্যা হয়৷ ব্ৰেইন টিউমাৰৰ মূৰৰ বিষৰ ফলত কাহ বা হাচি হ’লে বেছি বেয়া হয়।

মূৰৰ পিছফালে মগজুৰ টিউমাৰ হ’লে ডিঙিৰ বিষৰ সৈতে মূৰৰ বিষ হ’ব পাৰে। যদি মগজুৰ টিউমাৰটো মূৰৰ আগফালে হয় তেন্তে মূৰৰ বিষটো চকুৰ বিষ বা চাইনাছৰ বিষৰ দৰে অনুভৱ হ’ব পাৰে।

স্হান অনুসৰি ব্ৰেইন টিউমাৰৰ লক্ষণসমূহ:

▪️মগজুৰ আগফালে ব্ৰেইন টিউমাৰ হলে ভাৰসাম্যৰ সমস্যা আৰু খোজ কঢ়াত অসুবিধাৰ সৃষ্টি কৰিব পাৰে। ব্যক্তিত্বৰ পৰিৱৰ্তন হ’ব পাৰে, যেনে পাহৰি যোৱা আৰু সাধাৰণ কাম-কাজৰ প্ৰতি আগ্ৰহৰ অভাৱ হব পাৰে৷

▪️ মগজুৰ মাজভাগত ব্ৰেইন টিউমাৰ হলে ইন্দ্ৰিয়ৰ (স্পৰ্শ, ৰুচি, গোন্ধ, দৃষ্টি আৰু শ্ৰৱণ ক্ষমতা) সৈতে জড়িত সমস্যাৰ সৃষ্টি কৰিব পাৰে। উদাহৰণস্বৰূপে দৃষ্টিশক্তিৰ সমস্যা আৰু শ্ৰৱণ ক্ষমতাৰ সমস্যা।

মগজুৰ পিছফালে ব্ৰেইন টিউমাৰ হলে দৃষ্টিশক্তি হেৰুৱাব পাৰে।

▪️ মগজুৰ তলৰ অংশত ব্ৰেইন টিউমাৰ হলে স্মৃতিশক্তিৰ সমস্যাৰ সৃষ্টি কৰিব পাৰে। কোনোবাই হয়তো নথকা কিবা এটা দেখা পাব পাৰে, নতুবা সোৱাদ বা গোন্ধ ল’ব পাৰে। কেতিয়াবা সোৱাদ বা গোন্ধ অপ্ৰীতিকৰ বা অস্বাভাৱিক হব পাৰে৷

মগজুৰ টিউমাৰ হোৱা কাৰন- Causes

কোষৰ ক্ৰম’জমৰ কিছুমান জিন ক্ষতিগ্ৰস্ত হৈ আৰু সঠিকভাৱে কাম নকৰাৰ সময়ত মগজুৰ টিউমাৰৰ সৃষ্টি হয়৷ ক্ৰম’জমত থকা ডি এন এ-য়ে সমগ্ৰ শৰীৰৰ কোষবোৰক কয় যে কি কৰিব লাগে — কেতিয়া বৃদ্ধি কৰিব লাগে, কেতিয়া বিভাজন কৰিব লাগে নতুবা কেতিয়া মৰিব লাগে সেই নিৰ্দেশনা দিয়ে৷

কিন্ত্ত যেতিয়া মগজুৰ কোষৰ ডি এন এ সলনি হয় তেতিয়া ই আপোনাৰ মগজুৰ কোষবোৰক নতুন নিৰ্দেশনা দিয়ে।

পৰিৱৰ্তনে কোষবোৰক দ্ৰুতগতিত বৃদ্ধি কৰিবলৈ কয় আৰু জীয়াই থাকিবলৈ কয়৷ যেতিয়া সুস্থ কোষবোৰে তেওঁলোকৰ প্ৰাকৃতিক জীৱনচক্ৰৰ অংশ হিচাপে মৃত্যুবৰণ কৰে, ইয়াৰ ফলত মগজুত বহুত অতিৰিক্ত কোষ গঠন হয়। এনেদৰে শৰীৰত অস্বাভাৱিক মগজুৰ কোষ গঠন হয় টিউমাৰ সৃষ্টি কৰে৷

মগজুৰ টিউমাৰৰ সৃষ্টি হোৱা ডি এন এৰ পৰিৱৰ্তনৰ কাৰণ কি সেয়া স্পষ্ট হোৱা নাই। ব্ৰেইন টিউমাৰ থকা বহু লোকৰ বাবে ইয়াৰ কাৰণ কেতিয়াও জনা নাযায়। কেতিয়াবা পিতৃ-মাতৃয়ে ডি এন এৰ পৰিৱৰ্তন সন্তানলৈ প্ৰেৰণ কৰে। এই পৰিৱৰ্তনে মগজুৰ টিউমাৰ হোৱাৰ সম্ভাৱনা বৃদ্ধি কৰিব পাৰে। এই বংশগত মগজুৰ টিউমাৰ বিৰল।

মগজুৰ টিউমাৰ কেনেকৈ ধৰা পৰে?- Diagnosis

মগজুৰ টিউমাৰৰ নিদান শাৰীৰিক পৰীক্ষা আৰু আপোনাৰ চিকিৎসাৰ ইতিহাস চোৱাৰ পৰা আৰম্ভ হয়।

১) শাৰীৰিক পৰীক্ষাত অতি বিশদভাবে স্নায়ু পৰীক্ষা ( Neurological  exam) অন্তৰ্ভুক্ত কৰা হয়। আপোনাৰ ক্ৰেনিয়েল নাৰ্ভ অক্ষত আছে নে নাই পৰীক্ষা কৰা হয়৷  এইবোৰেই হৈছে আপোনাৰ মগজুৰ পৰা উৎপত্তি হোৱা স্নায়ু।

স্নায়ুজনিত পৰীক্ষাত আপোনাৰ মগজুৰ বিভিন্ন অংশ পৰীক্ষা কৰা হয় যে সেইবোৰে কেনেদৰে কাম কৰি আছে। এই পৰীক্ষাত আপোনাৰ দৃষ্টিশক্তি, শ্ৰৱণ ক্ষমতা, ভাৰসাম্য, সমন্বয়, শক্তি আৰু প্ৰতিফলন পৰীক্ষা কৰাটো অন্তৰ্ভুক্ত হ’ব পাৰে। যদি আপুনি এটা বা ততোধিক ক্ষেত্ৰত সমস্যাত পৰিছে, তেন্তে আপোনাৰ আপোনাৰ মগজুৰ কি অংশত সমস্যা হ’ব পাৰে সেয়া বুজিব পৰা যায়৷

২) মূৰৰ চিটি স্কেন (Head CT scan)- computed tomography scan, যাক চিটি স্কেন বুলিও কোৱা হয়, এক্স-ৰেৰ সহায়ত ছবি তৈয়াৰ কৰা হয়। চিটি স্কেনে আপোনাৰ মগজুৰ ভিতৰত আৰু আশে-পাশে থকা সমস্যা ধৰা পেলাব পাৰে।

৩) মূৰৰ এম আৰ আই(Brain MRI)- Magnetic resonance imaging,যাক এম আৰ আই বুলিও কোৱা হয়, ইয়াত শক্তিশালী চুম্বক ব্যৱহাৰ কৰি শৰীৰৰ ভিতৰৰ ছবি তৈয়াৰ কৰা হয়। মগজুৰ টিউমাৰ ধৰা পেলাবলৈ প্ৰায়ে এম আৰ আই ব্যৱহাৰ কৰা হয় কাৰণ ইয়াত আন ইমেজিং পৰীক্ষাতকৈ মগজু অধিক স্পষ্টকৈ দেখা যায়।

৪) PET scan- মগজুৰ positron emission tomography scan, যাক PET স্কেন বুলিও কোৱা হয়, ই মগজুৰ কিছুমান টিউমাৰ ধৰা পেলাব পাৰে। পিইটি স্কেনত radioactive tracer ব্যৱহাৰ কৰা হয় যাৰদ্বাৰা শিৰাত বেজী দিয়া হয়। ট্ৰেচাৰ তেজৰ মাজেৰে গৈ মগজুৰ টিউমাৰ কোষৰ লগত সংলগ্ন হয়। ট্ৰেচাৰে PET মেচিনে তোলা ছবিবোৰত টিউমাৰ কোষবোৰক আঁতৰাই ৰাখে।

৫) Biopsy – মগজুৰ বায়’প্সি হৈছে মগজুৰ টিউমাৰৰ কলাৰ নমুনা আঁতৰাই লেবত পৰীক্ষা কৰা হয়৷ বায়’প্সিৰ দ্বাৰা টিউমাৰ কোষবোৰ benign নে melignant সেইটো চিনাক্ত কৰা হয়৷ ইয়াৰ উপৰিও কেন্সাৰৰ উৎপত্তি আপোনাৰ মগজুৰ পৰা হৈছে নে আপোনাৰ শৰীৰৰ আন এটা অংশত হৈছে সেইটোও নিৰ্ণয় কৰিব।

যদি আপুনাৰ মগজুৰ টিউমাৰ ধৰা পৰিছে, তেন্তে চিকিৎসা গ্ৰহণ কৰিবলৈ আৰু আপোনাৰ লক্ষণসমূহ নিৰীক্ষণ কৰিবলৈ আপুনি নিয়মিতভাৱে আপোনাৰ স্বাস্থ্যসেৱা প্ৰদানকাৰীক লগত যোগাযোগ ৰাখিব লাগিব৷

ব্ৰেইন টিউমাৰৰ চিকিৎসাৰ পিছতো আপুনি নিয়মিতভাৱে স্বাস্থ্যসেৱা প্ৰদানকাৰীৰ সৈতে ফ’ল’ আপ কৰিব লাগিব৷

মগজুৰ টিউমাৰৰ চিকিৎসা

মগজুৰ টিউমাৰৰ চিকিৎসা নিৰ্ভৰ কৰে:

টিউমাৰৰ প্ৰকাৰ

টিউমাৰৰ আকাৰ

টিউমাৰৰ অৱস্থান

আপোনাৰ সাধাৰণ স্বাস্থ্য ওপৰত৷

মগজুৰ মাৰাত্মক টিউমাৰৰ আটাইতকৈ সাধাৰণ চিকিৎসা হ’ল অস্ত্ৰোপচাৰ(Surgery)৷ ইয়াৰ লক্ষ্য হ’ল মগজুৰ সুস্থ অংশৰ ক্ষতি নকৰাকৈ যিমান পাৰি সিমান কেন্সাৰ আঁতৰোৱা।

কিছুমান টিউমাৰৰ অৱস্থান অনুসৰি নিৰাপদে আঁতৰাব পাৰে যদিও আন কিছুমান টিউমাৰ এনে ঠাইত থাকিব পাৰে য’ত টিউমাৰৰ কিমানখিনি আঁতৰাব পৰা যায় সেইটো সীমিত হৈ থাকে। অৱশ্যে মগজুৰ কৰ্কট ৰোগ আংশিকভাৱে আঁতৰাই পেলোৱাটোও উপকাৰী হ’ব পাৰে।

আগতীয়াকৈ চিকিৎসা বিচাৰিলে টিউমাৰ বাঢ়ি অহাৰ লগে লগে হ’ব পৰা জটিলতা ৰোধ কৰিব পৰা যায়। ইয়াৰ উপৰিও মগজুৰ আন কলালৈ মাৰাত্মক টিউমাৰ বিয়পি পৰাত বাধা দিব পৰা যায়৷

আপোনাৰ মগজুত টিউমাৰ আছে বুলি জানিলে ভয়ংকৰ আৰু মানসিক চাপৰ সৃষ্টি হ’ব পাৰে। সকলো মগজুৰ টিউমাৰেই যদিও কেন্সাৰ নহয় — আচলতে ইয়াৰে প্ৰায় দুই তৃতীয়াংশই বিনাইন(benign) বা  মাৰাত্মক নহয়৷ কিন্তু তথাপিও ই আপোনাৰ গতিকে মগজুৰ স্বাস্থ্যকে ধৰি সামগ্ৰিক স্বাস্থ্যৰ বাবে নিয়মীয়াকৈ চিকিৎসা পৰীক্ষা কৰাটো অতি প্ৰয়োজনীয়।